നമ്മുടെ കലാലയം
ഓരോ നാടിൻറെയും സംസ്കാരം രൂപപ്പെടുത്തുന്നതിന് അവിടുത്തെ വിദ്യാഭ്യാസ സ്ഥാപനങ്ങൾ പ്രധാനപങ്ക് വഹിക്കുന്നുണ്ട് . ഒരു വ്യാഴവട്ടക്കാലത്തിനു മുൻപ് സ്ഥാപിതമായ അൻസാർ വിമൻസ് കോളേജ് പെരുമ്പിലാവിൻറെ സാംസ്കാരിക ഭൂപടത്തിൽ ഉന്നത വിദ്യാഭ്യാസത്തിൻറെ പുതിയ വഴികൾ രേഖപെടുത്തി പെൺയൗവ്വനത്തിന്റെ സ്വപ്നങ്ങളും പ്രതീക്ഷകളും ചിറകിലേറി പെരുമ്പിലാവെന്ന നാടിൻറെ ഹൃദയഭാഗത്ത് സ്ഥിതിചെയ്യുന്ന മനോഹര കലാലയം , അൻസാർ വിമൻസ് കോളേജ് . അരാജകത്വം നിറഞ്ഞ വർത്തമാനകാല യാഥാർഥ്യത്തോട് ചേർന്നുപോകാതെ പെൺസുരക്ഷയൊരുക്കി ശക്തമായ കോട്ടയായി നിലകൊള്ളുന്നു . വർണ്ണാഭമായ കലാലയാന്തരീക്ഷത്തോടൊപ്പം അച്ചടക്കത്തിൻറെ ഉദാത്തമാതൃക . നിറപ്പകിട്ടാർന്ന യൗവ്വനകാലം ഭാവിയെക്കുറിച്ചുള്ള സുന്ദരസങ്കല്പങ്ങൾ നെയ്തെടുക്കുന്ന ഇടമാണ് ഓരോ കലാലയവും . ഇവിടെ പെണ്മയുടെ പുതുവസന്തം തീർക്കുന്ന അൻസാർ വിമൻസ് കോളേജ് പാഠ്യവിഷയത്തോടൊപ്പം മൂല്യാധിഷ്ഠിതവിദ്യാഭ്യാസത്തിനും ഏറെ പ്രാധാന്യം നൽകുന്നു . കേരളത്തിൻറെ സാംസ്കാരിക തലസ്ഥാനത്ത് സ്ഥിതിചെയ്യുന്ന , മലബാറിൻറെ സാംസ്കാരിക പാരമ്പര്യത്തോടടുത്ത് നിൽക്കുന്ന ഈ കലാലയം പെൺവിദ്യാഭ്യാസത്തിന് കൂടുതൽ മാനം നൽകുന്നു .
REMYA . R
DEPARTMENT OF MALAYALAM
No comments:
Post a Comment